ບໍລິການທີ່ປຶກສາດ້ານການເງິນ

ການບໍລິການ:

ການປັບປຸງໂຄງສ້າງ ແລະ ຟື້ນຟູກິດຈະການ.
ການຄວບລວມ ຫຼື ການຊື້ກິດຈະການ
ການຈັດຫາຄູ່ຮ່ວມມືຍຸດທະສາດ
ການອອກຈໍາໜ່າຍຫຼັກຊັບ ແລະ ສະເໜີຂາຍຫຼັກຊັບ
ການໃຫ້ບໍລິການທີ່ປຶກສາດ້ານການເງິນອິດສະຫຼະ
ການໃຫ້ຄຳປຶກສາທົ່ວໄປ

ທີມງານທີ່ປຶກສາດ້ານການເງິນ ຂອງ BCEL-KT ມີປະສົບການ ແລະ ຊື່ສຽງເປັນທີ່ຍອມຮັບຢ່າງກວ້າງຂວາງທັງພາຍໃນ ແລະ ຕ່າງປະເທດ. ທີ່ສຳຄັນ, BCEL-KT ຍັງໄດ້ຮັບການສະໜັບສະໜູນ ຈາກ ບໍລິສັດແມ່ (KT ZMICO) ທີ່ມີປະສົບການດ້ານທີ່ປຶກສາການເງິນໃນຫຼາຍຂະແໜງທຸລະກິດ ມາຫຼາຍກວ່າ 30ປີ.

ໂຄງການທຳອິດທີ່ BCEL-KT ໄດ້ໃຫ້ບໍລິການທີ່ປຶກສາດ້ານການເງິນ ແມ່ນການນຳພາ ບໍລິສັດ ຜະລິດ-ໄຟຟ້າລາວ ມະຫາຊົນ ເຂົ້າຈົດທະບຽນໃນຕະຫຼາດຫຼັກຊັບລາວ, ສາມາດລະດົມທຶນໄດ້ 115 ລ້ານໂດລາສະຫະລັດ. ໂຄງການນີ້ຖືເປັນຜົນງານອັນພົ້ນເດັ່ນທຳອິດຂອງ BCEL-KT ຊຶ່ງສະແດງເຖິງຄວາມເປັນມືອາຊີບທາງດ້ານທີ່ປຶກສາດ້ານການເງິນຂອງບໍລິສັດຕໍ່ມະຫາຊົນທັງພາຍໃນ ແລະ ຕ່າງປະເທດ.

ໃນປີ 2013, BCEL-KT ຍັງໄດ້ເປັນທີ່ປຶກສາທາງການເງິນ ໃຫ້ ບໍລິສັດ ລາວເວີນ ມະຫາຊົນ ໃນການເຂົ້າຈົດທະບຽນໃນຕະຫຼາດ ຫຼັກຊັບລາວ, ສາມາດລະດົມທຶນໄດ້ປະມານ 5 ລ້ານໂດລາສະຫະລັດ. ຜົນສຳເລັດດັ່ງກ່າວນີ້ ແມ່ນໄດ້ຢືນຢັນເຖິງຄວາມເປັນມືອາຊີບ ທາງດ້ານທີ່ປຶກສາທາງການເງິນຂອງ BCEL-KT.

ນອກຈາກນັ້ນ, ບໍລິສັດ BCEL-KT ຍັງເປັນທີ່ປຶກສາການເງິນໃຫ້ກັບບໍລິສັດອື່ນໆ ເຊັ່ນ:

ບໍລິສັດ ອຸດສາຫະກຳ ຊີມັງລາວ ຈຳກັດ (LCI);
ບໍລິສັດ ອີທີແອວ ມະຫາຊົນ (ETL);
ບໍລິສັດ ຊັ່ງຈຽງ (ລາວ) ຈໍາກັດ.

ພາບລວມ ກ່ຽວກັບຂັ້ນຕອນການຈົດທະບຽນບໍລິສັດ ໃນຕະຫຼາດຫຼັກຊັບລາວ:

ໄລຍະທີ່ 1:

ແຕ່ງຕັ້ງທີ່ປຶກສາຕ່າງໆ (ທີ່ປຶກສາການເງິນ, ຜູ້ກວດສອບບັນຊີ, ທີ່ປຶກສາດ້ານກົດໝາຍ ແລະ ອາກອນ);
ພັດທະນາແຜນປັບປຸງໂຄງສ້າງບໍລິສັດ; ສ້າງລະບົບຄວບຄຸມພາຍໃນ; ສ້າງແຜນດຳເນີນງານ;
ກະກຽມໜັງສືຊວນຊື້, ຂັ້ນຕອນປະກອບເອກະສານຂໍຈົດທະບຽນ ແລະ ສຶກສາຄວາມເປັນໄປໄດ້.

ໄລຍະທີ່ 2:

ຍື່ນຂໍອະນຸຍາດນຳ ຄຄຊ;
ອອກໜັງສືຊວນຊື້;
ສະເໜີຂາຍຮຸ້ນທໍາອິດໃຫ້ມວນຊົນ;
ຂໍຂຶ້ນທະບຽນນຳ ຕະຫຼາດຫຼັກຊັບລາວ.

ໄລຍະທີ່ 3:

ເຂົ້າຈົດທະບຽນໃນຕະຫຼາດຫຼັກຊັບລາວ;
ສາມາດຊື້-ຂາຍຫຼັກຊັບ (ຮຸ້ນ) ຢູ່ໃນຕະຫຼາດຫຼັກຊັບລາວ.