ບໍລິການນາຍໜ້າຊື້-ຂາຍຫຼັກຊັບ
ການບໍລິການ:
- ເປີດບັນຊີຫຼັກຊັບ;
- ຍືນຂໍໃບຢັ້ງຢືນຂຶ້ນທະບຽນນັກລົງທຶນຕ່າງປະເທດ ໃຫ້ນັກລົງທຶນຕ່າງປະເທດ;
- ສົ່ງຄຳສັ່ງຊື້-ຂາຍ ຫຼັກຊັບໃຫ້ລູກຄ້າ;
- ສະໜອງຂໍ້ມູນທີ່ຈຳເປັນກ່ຽວກັບການຊື້-ຂາຍຫຼັກຊັບໃຫ້ນັກລົງທຶນ;
- ໃຫ້ຄໍາແນະນໍາການລົງທຶນໃຫ້ແກ່ນັກລົງທຶນລາຍຍ່ອຍ ແລະ ສະຖາບັນ.
BCEL-KT ໃຫ້ບໍລິການທາງດ້ານນາຍໜ້າຊື້-ຂາຍຫຼັກຊັບ ແລະ ເປັນທີ່ປຶກສາການລົງທຶນໃນຕະຫຼາດຫຼັກຊັບລາວ (LSX) ເຊິ່ງພວກເຮົາມີທີມງານການຕະຫຼາດທີ່ມີປະສົບການສູງ ແລະ ຜ່ານຫຼັກສູດຝຶກອົບຮົມທີ່ໄດ້ມາດຕະຖານ ຂອງ LSX ແລະ ຄະນະກຳມະການຄຸ້ມຄອງຫຼັກຊັບ (LSCO).
ນອກນັ້ນ, ພວກເຮົາຍັງມີທີມງານອື່ນໆ ທີ່ເຂັ້ມແຂງ ໃນການໃຫ້ຄວາມສະໜັບສະໜູນການເຮັດວຽກຂອງທີມງານການຕະຫຼາດ ເຊັ່ນ: ໜ່ວຍງານຄົ້ນຄວ້າ ແລະ ພະແນກບໍລິຫານ (ໜ່ວຍງານແນວຫຼັງ). ສະນັ້ນ, ຈິ່ງເຮັດໃຫ້ ບໍລິສັດພວກເຮົາ ສາມາດຄອງສ່ວນແບ່ງຕະຫຼາດການຊື້-ຂາຍຮຸ້ນໃນຕະຫຼາດຫຼັກຊັບລາວ ຫຼາຍທີ່ສຸດ.
ທີມງານນາຍໜ້າຊື້-ຂາຍຫຼັກຊັບ ຍັງມີມາດຕະຖານສູງໃນການຮັກສາຄວາມລັບຂອງລູກຄ້າ ແລະ ມີຄວາມເຂັ້ມງວດໃນການ ຮັກສາຄວາມປອດໄພ ແລະ ເຂົ້າເຖິງເຂດປະຕິບັດການສະເພາະຂອງທີມງານນາຍໜ້າຊື້-ຂາຍຫຼັກຊັບ ເຊິ່ງຈະມີພຽງບຸກຄົນໄດ້ຮັບອະນຸຍາດເທົ່າ ຈິ່ງສາມາດເຂົ້າພື້ນທີ່ດັ່ງກ່າວໄດ້ ໃນຊົ່ວໂມງຊື້-ຂາຍ.