BCEL-KT ເປັນ​ບໍລິສັດ​ຮ່ວມ​ທຶນ​ລະຫວ່າງ ທະນາຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ  (ທຄຕລ ຫຼື BCEL) ​ ແລະ   ​ບໍລິສັດ​ຫຼັກຊັບ ​ກຸງໄທ ​ເອັກສະປິງ ​ຈຳກັດ​ ປະ​ເທດ​ໄທ (KTX).  BCEL ​ເປັນທະນາຄານ​ທຸລະ​ກິດນຳໜ້າ ທີ່​ມີ​ຄວາມ​ໜ້າ​ເຊື່ອ​ຖື ແລະ ໃຫຍ່ທີ່ສຸດ ​ໃນ ສປປ ລາວ ຊຶ່ງ​ໄດ້​ສະໜອງ​ການ​ບໍລິການດ້ານ​ທະນາຄານຫຼາກ​ຫຼາຍ​ປະ​ເພດ ຕັ້ງ​ແຕ່​ປີ 1975 ​ເປັນ​ຕົ້ນ​ມາ ເຊັ່ນ: ​ຝາກ​ເງິນ, ປ່ອຍ​ສິນ​ເຊື່ອ, ອອກ​ໃບ​ຄ້ຳປະກັນ ​ແລະ​ອື່ນໆ. ​ປັດຈຸບັນ, ​ BCEL ມີ 18 ສາຂາ, 38 ໜ່ວຍ​ບໍລິການ, 10 ໜ່ວຍ​ແລກປ່ຽນ ​ແລະ​ ພົວພັນ​ກັບ​ທະນາຄານ​ຕົວ​ແທນ ຫຼາຍ​ກວ່າ 100 ​ແຫ່ງຢູ່​ໃນ​ໂລກ. ​ KTX ເປັນໜຶ່ງໃນບໍລິສັດ ຫຼັກຊັບນໍາໜ້າ ຢູ່ປະເທດໄທ  ທີ່ມີ​ປະສົບ​ກາ​ນທາງດ້ານ​ການ​ໃຫ້​ບໍລິການ: ການຊື້-ຂາຍຫຼັກຊັບ, ທີ່​ປຶກສາ​ທາງການ​ເງິນ ແລະ ການ​ຄ້ຳປະກັນ​ການອອກ​ຈຳໜ່າຍ​ຫຼັກ​ຊັບ ມາ​ໄດ້​ຫຼາຍ​ກວ່າ 30 ປີ ຢູ່​ໃນ​ຫຼາຍ​ຂະ​ແໜງການ​ທຸລະ​ກິດ ​ເປັນ​ຕົ້ນ​ແມ່ນ: ຂະ​ແໜງ ການທະນາຄານ, ການ​​ເງິນ, ການ​ຜະລິດ, ປະກັນ​ໄພ, ​ໂທລະ​ຄົມມະນາຄົມ, ອີ​ເລັກ​ໂຕຣນິກ, ບໍ່​ແຮ່, ອຸດສາຫະກຳ​ໜັກ ​ແລະ ​ເຄມີ​, ຂະ​ແໜງ​ກໍ່ສ້າງ ​ແລະ ອື່ນໆ.

BCEL-KT ໄດ້ສະໜອງຫຼາກຫຼາຍການບໍລິການກ່ຽວກັບຫຼັກຊັບ ເຊິ່ງລວມມີ: ບໍລິການທີ່ປຶກສາດ້ານການເງິນ, ບໍລິການຄໍ້າປະກັນການ ອອກຈຳໜ່າຍຫຼັກຊັບ ​ແລະ ບໍລິການນາຍໜ້າຊື້-ຂາຍຫຼັກຊັບ. ປັດຈຸບັນ ບໍລິສັດ ເປັນຜູ້ນໍາທາງດ້ານສ່ວນແບ່ງຕະຫຼາດ​ການຊື້-ຂາຍຫຼັກ ຊັບ ແລະ ມີຖານນັກລົງທຶນທີ່​ໃຫ່ຍທີ່​ສຸດ ຢູ່ໃນ ສປປ ລາວ. ນອກຈາກ​ນັ້ນ, ບໍລິສັດ ຍັງມີທີມງານນາຍໜ້າຊື້-ຂາຍຫຼັກຊັບທີ່ມີປະສົບການ ສູງ, ມີທີມງານອອກບົດຄົ້ນຄວ້າ ແລະ ມີ​ໜ່ວຍ​ງານການສະໜັບສະໜູນອື່ນໆທີ່ເຂັ້ມແຂງ. ທີ່​ສໍາຄັນ, ບໍລິສັດ ຍັງມີທີມງານທີ່ປຶກສາດ້ານ ການເງິນທີ່ມີປະສົບການສູງ ແລະ ຖືກຍອມຮັບທັງ​ພາຍ​ໃນ ​ແລະ ຕ່າງປະ​ເທດ.