ສະມາຊິກສະພາແຫ່ງຊາດຊຸດທີ VII ຢ້ຽມຢາມບໍລິສັດ ຫຼັກຊັບ ທຄຕລ-ກທ ຈຳກັດ
ສະມາຊິກສະພາແຫ່ງຊາດຊຸດທີ VII ຢ້ຽມຢາມບໍລິສັດຫຼັກຊັບທຄຕລ-ກທຈຳກັດ
ໃນຕອນເຊົ້າຂອງວັນທີ 18 ມິຖຸນາ 2011 ທີ່ຜ່ານມາ ສະມາຊິກສະພາແຫ່ງຊາດ ຊຸດທີ VII ນຳໂດຍທ່ານ ສົມພັນ ແພງຄຳມີ, ຮອງປະທານສະພາແຫ່ງຊາດ, ໄດ້ລົງຢຽ້ມຢາມບໍລິສັດຫຼັກຊັບ ທຄຕລ-ກທ ຈຳກັດ, ເຊິ່ງໄດ້ຮັບການຕ້ອນຮັບຢ່າງອົບອຸ່ນ ຈາກທ່ານ ນ. ວະລາພອນ ວິບູນຄະນາລັກ
ຜູ້ອຳນວຍການບໍລິສັດ. ທ່ານໄດ້ກ່າວເຖິງປະຫວັດຄວາມເປັນມາ ແລະ ພາລະບົດບາດຂອງບໍລິສັດ ໃນການປະກອບສ່ວນເຂົ້າໃນພາລະກິດສ້າງສາ ແລະ ພັດທະນາປະເທດ ໂດຍສະເພາະ ພັດທະນາຕະຫຼາດທຶນ ໃນ ສ.ປ.ປ.ລາວ ໃຫ້ມີຄວາມເຂັ້ມແຂງ. ພ້ອມດຽວກັນນັ້ນ, ທ່ານ ຫີນເພັດ ຈັນທະລັງສີ, ຮອງຜູ້ອຳນວຍການບໍລິສັດ ກໍໄດ້ແນະນຳໃຫ້ບັນດາສະມາຊິກສະພາແຫ່ງຊາດ ກ່ຽວກັບໂຄງປະກອບການຈັດຕັ້ງຂອງບໍລິສັດ ແລະ ໄດ້ອະທິບາຍໂດຍຫຍໍ້ ກ່ຽວກັບຂັ້ນຕອນ ການຊື້-ຂາຍຮຸ້ນນຳບໍລິສັດ.