ການເປີດບັນຊີ

I./ ການເປີດບັນຊີຫຼັກຊັບ:

ເອກະສານສໍາລັບເປີດບັນຊີຫຼັກຊັບສໍາລັບບຸກຄົນລາວ ແລະ ບຸກຄົນຕ່າງປະເທດມີດັ່ງນີ້:

ການເປີດບັນຊີ

I./ ການເປີດບັນຊີຫຼັກຊັບ:

ສໍາລັບບຸກຄົນລາວ: => (ຄຣິກເພື່ອດາວໂຫລດປະກອບແບບຟອມ)

ເອກະສານຄັດຕິດປະກອບມີ

1. ສຳເນົາບັດປະຈຳຕົວ 1 ສະບັບ ( ສໍາເນົາຮູບໃຫ້ຊັດເຈນ )

2. ສໍາເນົາປຶ້ມບັນຊີເງິນຝາກ ທີ່ເປີດກັບ ທະນາຄານການຄ້າຕ່າງປະເທດລາວ ມະຫາຊົນ ຫຼື ທຄຕລ (ທະນາຄານຕົວແທນ) 1 ສະບັບ

ຖ້າກໍລະນີທ່ານຢູ່ຕ່າງແຂວງທີ່ບໍ່ມີຫ້ອງການ ບໍລິສັດຫລັກຊັບເຮົາຕັ້ງຢູ່ ໃຫ້ທ່ານຢືນແບບຟອມດັ່ງກ່າວໄດ້ທີ່ທະນາຄານ ການຄ້າຕ່າງປະເທດລາວມະຫາຊົນ (ລະດັບສາຂາ) ຫລັງຈາກນັ້ນທາງ BCEL-KT ຈະຕິດຕໍ່ຫາທ່ານພາຍໃນ 1 ວັນລັດຖະການເພື່ອແຈ້ງເລກບັນຊີຫລັກຊັບ ແລະ ລະຫັດຜ່ານໃຫ້ທ່ານ.

ສຳລັບນິຕິບຸກຄົນລາວ : => (ຄຣິກເພື່ອດາວໂຫລດປະກອບແບບຟອມ)

ເອກະສານຄັດຕິດປະກອບມີ:

1. ມະຕິກອງປະຊຸມສະພາບໍລິຫານໃຫ້ເປີດບັນຊີຫຼັກຊັບກັບບໍລິສັດຫຼັກຊັບ ທຄຕລ-ກທ (ຍົກເວັ້ນບໍລິສັດຈໍາກັດຜູ້ດຽວ) 1 ສະບັບ;

2. ລາຍຊື່ຄະນະບໍລິຫານ ຫຼື ຜູ້ມີອໍານາດລົງລາຍເຊັນຂອງບໍລິສັດ 1 ສະບັບ; (ຍົກເວັ້ນບໍລິສັດຈໍາກັດຜູ້ດຽວ)

3. ສໍາເນົາບັດປະຈໍາຕົວຜູ້ອໍານວຍການ ພ້ອມເຊັນຢັ້ງຢືນສໍາເນົາຖືກຕ້ອງຈາກເຈົ້າຂອງບັດ (ສຳເນົາຮູບໃຫ້ຊັດເຈນ) 1 ສະບັບ;

4. ສຳເນົາບັດປະຈຳຕົວຂອງຜູ້ມີອໍານາດລົງລາຍເຊັນ ພ້ອມເຊັນຢັ້ງຢືນສໍາເນົາຖືກຕ້ອງຈາກເຈົ້າຂອງບັດ (ສຳເນົາຮູບໃຫ້ຊັດເຈນ) 1 ສະບັບ (ໃນກໍລະນີຜູ້ມີອຳນາດລົງລາຍເຊັນບໍ່ແມ່ນຜູ້ອໍານວຍການ);

5. ສຳເນົາບັດປະຈຳຕົວຂອງຜູ້ໄດ້ຮັບສິດໃນການເປີດບັນຊີ ແລະ ເຄື່ອນໄຫວບັນຊີຫຼັກຊັບພ້ອມເຊັນຢັ້ງຢືນສໍາເນົາຖືກຕ້ອງຈາກເຈົ້າຂອງບັດ (ສຳເນົາຮູບໃຫ້ຊັດເຈນ) 1 ສະບັບ (ໃນກໍລະນີ, ຜູ້ເຄື່ອນໄຫວບັນຊີຫຼັກຊັບບໍ່ແມ່ນຜູ້ອໍານວຍການ );

6. ສຳເນົາໃບທະບຽນວິສາຫະກິດ ຫຼື ໃບທະບຽນກອງທຶນ ( ໃນກໍລະນີເປັນກອງທຶນ ) ເຊັນຢັ້ງຢືນສໍາເນົາຖືກຕ້ອງກັບສະບັບແທ້ໂດຍຜູ້ອໍານວຍການ ຫຼື ຜູ້ມີອໍານາດລົງລາຍເຊັນ ແລະ ຈໍ້າກາບໍລິສັດ 1 ສະບັບ;

7. ສຳເນົາກົດລະບຽບພາຍໃນຂອງບໍລິສັດ ຫລື ກອງທຶນ ເຊັນຜູ້ອຳນວຍການ ແລະ ຈ້ຳກາບໍລິສັດເຊັນຢັ້ງຢືນສໍາເນົາຖືກຕ້ອງກັບສະບັບແທ້ໂດຍຜູ້ອໍານວຍການ ຫຼື ຜູ້ມີອໍານາດລົງລາຍເຊັນ ແລະ ຈໍ້າກາບໍລິສັດ 1 ສະບັບ;

8. ສໍາເນົາປຶ້ມບັນຊີເງິນຝາກ ທີ່ເປີດກັບ ທຄຕລ (ທະນາຄານຕົວແທນ) 1 ສະບັບ;

ໝາຍເຫດ: ຜູ້ມີສິດລົງລາຍເຊັນໃນການເຄື່ອນໄຫວບັນຊີ ຊື້-ຂາຍ ຫລັກຊັບຈະຕ້ອງໄດ້ເຂົ້າມາເປີດບັນຊີທີ່ສຳນັກງານຂອງເຮົາດ້ວຍໂຕຂອງທ່ານເອງ ຫລື ຖ້າກໍລະນີບໍ່ໄດ້ເຂົ້າມາດ້ວຍຕົນເອງໃຫ້ປະຕິບັດຕາມດັ່ງລຸ່ມນີ້:

Ø ໃບມອບສິດໃຫ້ຜູ້ຕ່າງໜ້າທີ່ນຳເອກະສານດັ່ງກ່າວມາເປີດບັນຊີແທນ ເຊັນຜູ້ອໍານວຍການ ຫຼື ຜູ້ມີອໍານາດລົງລາຍເຊັນ ແລະ ຈໍ້າກາບໍລິສັດ 1 ສະບັບ ( ໃນກໍລະນີໃຫ້ພະນັກງານເປັນຜູ້ທໍາການເປີດບັນຊີແທນ );

Ø ບັດປະຈໍາຕົວຜູ້ໄດ້ຮັບສິດໃນການນຳເອກະສານມາເປີດບັນຊີ ພ້ອມລາຍເຊັນ ຢັ້ງຢືນສໍາເນົາຖືກຕ້ອງຈາກເຈົ້າຂອງບັດ (ສຳເນົາຮູບໃຫ້ຊັດເຈນ) 1 ສະບັບ.

ສໍາລັບບຸກຄົນຕ່າງປະເທດ => (ຄຣິກເພື່ອດາວໂຫລດປະກອບແບບຟອມ)

ເອກະສານຄັດຕິດປະກອບມີ:

1. ສຳເນົາໜັງສືເດີນທາງ (Passport) ເຊັນຢັ້ງຢືນສໍາເນົາຖືກຕ້ອງຈາກເຈົ້າຂອງໜັງສືເດີນທາງ (ສຳເນົາຮູບໃຫ້ຊັດເຈນ) 1 ສະບັບ.

2. ສໍາເນົາປຶ້ມບັນຊີເງິນຝາກທີ່ເປີດກັບທະນາຄານການຄ້າຕ່າງປະເທດລາວ ມະຫາຊົນ ຫຼື ທຄຕລ (ທະນາຄານຕົວແທນ) 1 ສະບັບ

(ທ່ານຈະຕ້ອງໄດ້ເຂົ້າມາເປີດບັນຊີທີ່ສຳນັກງານຂອງເຮົາດ້ວຍໂຕຂອງທ່ານເອງ ຫລື ສາມາດສອບຖາມຂໍ້ມູນເພີ່ມຕື່ມໄດ້ກັບບໍ່ລິສັດຫລັກຊັບເຮົາ)

ສຳລັບນິຕິບຸກຄົນຕ່າງປະເທດ: => (ຄຣິກເພື່ອດາວໂຫລດປະກອບແບບຟອມ)

ເອກະສານຄັດຕິດປະກອບມີ:

3. ສໍາເນົາໜັງສືເດີນທາງ (Passport) ຂອງຜູ້ອໍານວຍການ ພ້ອມເຊັນຢັ້ງຢືນສໍາເນົາຖືກຕ້ອງຈາກເຈົ້າຂອງ (ສຳເນົາຮູບໃຫ້ຊັດເຈນ) 1 ສະບັບ;

4. ສຳເນົາໜັງສືເດີນທາງ (Passport) ຂອງຜູ້ມີອໍານາດລົງລາຍເຊັນ ພ້ອມເຊັນຢັ້ງຢືນສໍາເນົາຖືກຕ້ອງຈາກເຈົ້າຂອງ (ສຳເນົາຮູບໃຫ້ຊັດເຈນ) 1 ສະບັບ (ໃນກໍລະນີຜູ້ມີອຳນາດລົງລາຍເຊັນບໍ່ແມ່ນຜູ້ອໍານວຍການ);

5. ສຳເນົາໜັງສືເດີນທາງ (Passport) ຂອງຜູ້ໄດ້ຮັບສິດໃນການເປີດບັນຊີ ແລະ ເຄື່ອນໄຫວບັນຊີຫຼັກຊັບພ້ອມເຊັນຢັ້ງຢືນສໍາເນົາຖືກຕ້ອງຈາກເຈົ້າຂອງ (ສຳເນົາຮູບໃຫ້ຊັດເຈນ) 1 ສະບັບ (ໃນກໍລະນີ, ຜູ້ເຄື່ອນໄຫວບັນຊີຫຼັກຊັບບໍ່ແມ່ນຜູ້ອໍານວຍການ );

6. ສຳເນົາໃບທະບຽນວິສາຫະກິດ ຫຼື ໃບທະບຽນກອງທຶນເຊັນຢັ້ງຢືນສໍາເນົາຖືກຕ້ອງກັບສະບັບແທ້ໂດຍຜູ້ອໍານວຍການ ຫຼື ຜູ້ມີອໍານາດລົງລາຍເຊັນ ແລະ ຈໍ້າກາບໍລິສັດ 1 ສະບັບ;

7. ສຳເນົາກົດລະບຽບພາຍໃນຂອງບໍລິສັດ ຫລື ກອງທຶນເຊັນຜູ້ອຳນວຍການ ແລະ ຈ້ຳກາບໍລິສັດເຊັນຢັ້ງຢືນສໍາເນົາຖືກຕ້ອງກັບສະບັບແທ້ໂດຍຜູ້ອໍານວຍການ ຫຼື ຜູ້ມີອໍານາດລົງລາຍເຊັນ ແລະ ຈໍ້າກາບໍລິສັດ 1 ສະບັບ;

8. ສໍາເນົາປຶ້ມບັນຊີເງິນຝາກ ທີ່ເປີດກັບ ທຄຕລ (ທະນາຄານຕົວແທນ) 1 ສະບັບ;

ໝາຍເຫດ: ຜູ້ມີສິດລົງລາຍເຊັນໃນການເຄື່ອນໄຫວບັນຊີ ຊື້-ຂາຍ ຫລັກຊັບ ຈະຕ້ອງໄດ້ເຂົ້າມາເປີດບັນຊີທີ່ສຳນັກງານຂອງເຮົາດ້ວຍໂຕຂອງທ່ານເອງ ຫລື ຖ້າກໍລະນີບໍ່ໄດ້ເຂົ້າມາດ້ວຍຕົນເອງໃຫ້ປະຕິບັດຕາມດັ່ງລຸ່ມນີ້:

Ø ໃບມອບສິດໃຫ້ຜູ້ຕ່າງໜ້າທີ່ນຳເອກະສານດັ່ງກ່າວມາເປີດບັນຊີແທນ ເຊັນຜູ້ອໍານວຍການ ຫຼື ຜູ້ມີອໍານາດລົງລາຍເຊັນ ແລະ ຈໍ້າກາບໍລິສັດ 1 ສະບັບ ( ໃນກໍລະນີໃຫ້ພະນັກງານເປັນຜູ້ຮັບສິດເປີດບັນຊີແທນ );

Ø ບັດປະຈໍາຕົວຜູ້ໄດ້ຮັບສິດ ຫລື ໜັງສືເດີນທາງ (Passport) ໃນການນຳເອກະສານມາເປີດບັນຊີທ່ານພ້ອມລາຍເຊັນ ຢັ້ງຢືນສໍາເນົາຖືກຕ້ອງຈາກເຈົ້າຂອງບັດ (ສຳເນົາຮູບໃຫ້ຊັດເຈນ) 1 ສະບັບ.

II./ ການເປີດບັນຊີທະນາຄານ (ສະກຸນເງິນກີບເທົ່ານັ້ນ):

ຕື່ມຂໍ້ມູນໃສ່ແບບຟອມເປີດບັນຊີທະນາຄານ ຢູ່ ທຄຕລ
ເອກະສານທີ່ຈໍາເປັນ ສໍາລັບເປີດບັນຊີທະນາຄານໃໝ່ ມີດັ່ງນີ້:

ສໍາລັບບຸກຄົນລາວ:

ສຳເນົາບັດປະຈຳຕົວ ຫຼື ສໍາມະໂນຄົວ

ສຳລັບບຸກຄົນຕ່າງປະເທດ:

ສຳເນົາໜັງສືເດີນທາງ ແລະ ບັດແຮງງານຢູ່ ສ.ປ.ປ.ລາວ (ຖ້າມີ)
ສຳເນົາໃບຢັ້ງຢືນການຂຶ້ນທະບຽນຂອງນັກລົງທຶນຕ່າງປະເທດອອກໂດຍຕະຫຼາດຫຼັກຊັບລາວ
(ໃນການເປີດບັນຊີທະນາຄານ ທາງບໍລິສັດຫລັກຊັບ ທຄຕລ-ກທ ຈຳກັດ ຈະແນະນຳທ່ານ ໃນການເປີດບັນຊີດັ່ງກ່າວ)

ສຳລັບນິຕິບຸກຄົນລາວ:

ສຳເນົາບັດປະຈຳຕົວ ຫຼື ສຳມະໂນຄົວຜູ້ທີ່ມີອຳນາດລົງລາຍເຊັນ
ສຳເນົາໃບທະບຽນວິສາຫະກິດ ແລະ ໃບທະບຽນອາກອນ (ສະບັບປີລ້າສຸດ)
ໃບມອບສິດ (ຖ້າມີ)

ສຳລັບນິຕິບຸກຄົນຕ່າງປະເທດ:

ສຳເນົາໜັງສືເດີນທາງ (Passport) ຜູ້ທີ່ມີອຳນາດລົງລາຍເຊັນ
ສຳເນົາໃບທະບຽນວິສາຫະກິດ ແລະ ໃບທະບຽນອາກອນ (ສະບັບປີລ້າສຸດ)
ສຳເນົາໃບອະນຸຍາດລົງທຶນຕ່າງປະເທດ (ໃນກໍລະນີນິຕິບຸກຄົນເຄື່ອນໄຫວທຸລະກິດຢູ່ສ.ປ.ປ.ລາວ)
ໃບມອບສິດ (ຖ້າມີ)

(ໃນການເປີດບັນຊີທະນາຄານ ທາງບໍລິສັດຫລັກຊັບ ທຄຕລ-ກທ ຈຳກັດ ຈະແນະນຳທ່ານ ໃນການເປີດບັນຊີດັ່ງກ່າວ)

ເງື່ອນໄຂອື່ນໆ:

ຄ່າທຳນຽມເປີດບັນຊີທະນາຄານ 10,000 Kip
ເງິນຝາກຂັ້ນຕໍ່າ 50,000 Kip
ປະເພດເງິນຝາກ ປະຢັດ

ຂໍ້ມູນເພີ້ມເຕີມ, ກະລຸນາເຂົ້າເບິ່ງໃນເວັບໄຊ:http://www.bcel.com.la/en/Detail.aspx?ID=23

ໝາຍເຫດ: ເອກະສານຄັດຕິດຂອງ ນັກລົງທຶນຕ່າງປະເທດຈະຕ້ອງເປັນພາສາອັງກິດ ຫຼື ແປເປັນພາສາອັງກິດ

ການ​ເປີດ​ບັນຊີ

ການເປີດບັນຊີ